O Instituto de Ciencias da Educación (ICE) da Universidade de Santiago de Compostela acometeu nos tres últimos cursos diversas actividades encamiñadas a promover una nova cultura no que se refire ao tratamento da educación enerxética por parte do profesorado en xeral e, en especial, nos niveis de ensinanza secundaria e na súa formación.

Un dos obxectivos fundamentais destas accións encamíñase a que os profesores sexamos capaces de transmitir aos nosos alumnos os coñecementos, actitudes e valores que lles permitan comprender que o problema enerxético ten un alcance mundial, no senso de que os hábitos de consumo apoien un desenvolvemento sostible a longo prazo en todas as dimensións sociais, económicas e ambientais.

As iniciativas máis importantes no ano 2007 son a celebración do II Congreso Internacional de Educación, Enerxía e Desenvolvemento Sostible e o curso de formación de profesores de secundaria " A educación enerxética no profesorado de secundaria", impartido conxuntamente co INEGA (Instituto Enerxético de Galicia).